Fréttir

Aðalfundur Sparisjóðs Bolungarvíkur fyrir starfsárið 2009 var haldinn 16. desember 2010. Á fundinum kom fram að tap af starfsemi sjóðsins nam 2.260 milljónum króna. Ákveðið var að greiða ekki út arð árið 2010 vegna starfsemi ársins 2009.

Þann 16. desember síðastliðinn var Bankasýslu ríkisins falið af fjármálaráðherra að fara með eignarhluti ríkisins í Sparisjóði Bolungarvíkur og Sparisjóði Vestmannaeyja.

Hluthafafundur var haldinn í Íslandsbanka þann 23. september 2010. Á dagskrá fundarins var kosning stjórnar.

Aðalfundur Sparisjóðs Norðfjarðar fyrir árið 2009 var haldinn 31. ágúst 2010. Á aðalfundinum kom fram að tap af starfsemi sjóðsins á árinu 2009 nam 182,5 milljónum. Ákveðið var að greiða ekki út arð árið 2010 vegna starfsemi ársins 2009.

Bankasýsla ríkisins óskar eftir tilnefningum í stjórnir sparisjóða sem fyrirséð er að verði á forræði Bankasýslunnar. Nú er sérstaklega óskað eftir tilnefningum í stjórn Sparisjóðs Norðfjarðar.

Bankasýslu ríkisins ber lögum samkvæmt að skila árlegri skýrslu um starfsemi sína og liggur nú fyrir skýrsla vegna ársins 2010. Í skýrslunni er greint frá starfsemi Bankasýslunnar frá því að til hennar var stofnað síðastliðið haust en eignarhlutir ríkisins í Landsbankanum, Arion banka og Íslandsbanka voru formlega færðir Bankasýslunni til umsýslu 4. janúar 2010.

Aðalfundur Arion banka fyrir árið 2009 var haldinn 20. maí.

Á aðalfundinum kom fram að hagnaður síðasta árs nam 12,9 milljörðum króna. Ákveðið var að greiða ekki út arð árið 2010 vegna starfsemi ársins 2009.

Landsbankinn og Íslandsbanki héldu aðalfundi í síðustu viku.

Bankasýsla ríkisins hefur skipað þau Gunnar Helga Hálfdanarson, Guðríði Ólafsdóttur, Hauk Halldórsson og Sigríði Hrólfsdóttur sem aðalmenn í bankaráð Landsbankans (NBI hf.).