Aðalfundur Sparisjóðs Bolungarvíkur - Fréttir

Aðalfundur Sparisjóðs Bolungarvíkur fyrir starfsárið 2009 var haldinn 16. desember 2010.

Bankasýsla ríkisins tók þann sama dag við tæplega 91% eignarhlut í Sparisjóði Bolungarvíkur. Mæltist Bankasýslan til þess að núverandi stjórn sæti áfram þar til stofnuninni hefur gefist færi á að fara yfir stjórnarskipan. Stjórn sparisjóðsins er því óbreytt og hana skipa nú Finnbogi Jakobsson, stjórnarformaður, Ólafur Þ. Benediktsson, varaformaður, Runólfur Pétursson, Snorri Sturluson og Stefanía Birgisdóttir. Varamenn í stjórn eru Ingibjörg Sigfúsdóttir og Baldur Smári Einarsson en Baldur Smári kemur inn sem nýr varamaður í stjórn.

Á fundinum kom fram að tap af starfsemi sjóðsins nam 2.260 milljónum króna. Ákveðið var að greiða ekki út arð árið 2010 vegna starfsemi ársins 2009.

Fundurinn ákvað að laun stjórnarmanna verði kr. 59.500 á mánuði fyrir árið 2010, en laun stjórnarformanns verði tvöföld laun stjórnarmanns. Varamenn fái greiddar kr. 24.500 fyrir hvern setinn fund.

Endurskoðunarfélag var kosið Endurskoðun Vestfjarða ehf.

Nánari upplýsingar veitir Elín Jónsdóttir, forstjóri Bankasýslu ríkisins, sími 550-1700 / 856-5540