Beint á leiðarkerfi vefsins
Fara á forsíðu

Aðalfundur Sparisjóðs Norðfjarðar - Fréttir

22.4.2014

Aðalfundur Sparisjóðs Norðfjarðar

Aðalfundur Sparisjóðs Norðfjarðar fyrir starfsárið 2013 var haldinn þann 8. apríl sl.

Á aðalfundinum kom fram að hagnaður síðasta árs nam 70,0 m.kr.  Samþykkt var greiða út arð, sem nemur jákvæðum varasjóði, kr. 23.672.918  og að honum yrði að öllu leyti varið til hækkunar á nafnverði stofnfjárhluta í sparisjóðnum, sbr. 2. mgr. 70. gr. laga um fjármálafyrirtæki.

Á fundinum voru Regína Fanný Guðmundsdóttir og Sigurður Hafsteinn Pálsson kosin í stjórn sem fulltrúar Bankasýslu ríkisins. Aðrir stjórnarmenn eru Jón Björn Hákonarson, Jón Einar Marteinsson og Jóna Árný Þórðardóttir. Fulltrúi Bankasýslunnar í varastjórn er Sigríður Þorgeirsdóttir en Valdimar O. Hermannsson skipar hitt sæti varamanns.

Á fundinum var starfskjarastefna sparisjóðsins samþykkt óbreytt frá fyrra ári og samþykkt að þóknun stjórnarmanna verði kr. 75.000 á mánuði og að stjórnarformaður þiggi tvöföld stjórnarlaun. Enor ehf. á Akureyri var kosið endurskoðandi sparisjóðsins.