Einstök starfstækifæri á fjármálamarkaði - Fréttir

Bankasýsla ríkisins óskar eftir að ráða hæfa einstaklinga með ríka ábyrgðartilfinningu í störf lögfræðings og sérfræðings í eignaumsýslu. Um er að ræða ráðningar tveggja til þriggja einstaklinga í tímabundin verkefni tengd fyrirhugaðri sölumeðferð ríkisins á eignarhlut í Landsbankanum hf. Mikil áhersla er lögð á að viðkomandi einstaklingar myndi öfluga liðsheild með núverandi starfsliði og stjórn stofnunarinnar sem og þeim aðilum sem hún á í samskiptum við.   

Umsóknarfrestur er til og með 26. október nk.
Umsækjendur eru vinsamlegast beðnir að sækja um starfið á heimasíðu Capacent, www.capacent.is. Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Nánari upplýsingar veita Ragnheiður Dagsdóttir (ragnheidur.dagssdottir@capacent.is) og Auður Bjarnadóttir (audur.bjarnadottir@capacent.is) hjá Capacent.