Fréttir

Bankasýslu ríkisins hefur verið falið að fara með eignarhlut ríkissjóðs í Sparisjóði Bolungarvíkur, Sparisjóði Svarfdæla, Sparisjóði Vestmannaeyja og Sparisjóði Þórshafnar og nágrennis. Auk þess mun Bankasýslan fara með eignarhlut ríkissjóðs í Spkef sparisjóði þegar fjárhagslegri endurskipulagningu hans verður lokið. Af hálfu Bankasýslu ríkisins er óskað eftir tilnefningum í stjórnir ofangreindra sjóða.

Í dag, 5. janúar 2011 hefur Bankasýslu ríkisins verið falið af fjármálaráðherra að fara með eignarhluti ríkisins í Sparisjóði Svarfdæla og Sparisjóði Þórshafnar og nágrennis.

Aðalfundur Sparisjóðs Vestmannaeyja fyrir starfsárið 2009 var haldinn 21. desember 2010. Á fundinum kom fram að tap af starfsemi sjóðsins árið 2009 nam 1.059 milljónum króna. Ákveðið var að greiða ekki út arð árið 2010 vegna starfsemi ársins 2009.